Уйлаад гуйх нь худлаа байдаг ч
Унахад чинь би таны төлөө залбирдаг
Өгөх л гэж өгсөн бие минь
Авах л гэж авсан та минь
Өшрөөд уйлах минь үнэн байлаа ч
Үнсэхэд чинь би нулимстай инээж эргэдэг
Хайртайг нь би мэддэг
Халгихыг нь та мэддэг
Харцаа нуугаад худлаа байдаг ч
Халтирахад чинь би таны төлөө өвддөг
Зовох л гэж зольсон бие минь
Зовоох л гэж учирсан та минь
Зоргоор одохдоо хүнийх байдаг ч
Зориод ирэхдээ минийх байдаг
Өө, яана гэх вэ
Өгөх л гэж өгсөн...
Л.Өлзийтөгс